زكرياء بوقيرة: السلالة الهندية في الجزائر و تونس قد تكون السبب

كتب الدكتور زكرياء بوقيرة على صفحته في الفيسبوك يحذر من خطورة تطور الوباء في تونس و الجزائر و هذا ما كتب :

“دزاير على عكس تونس لم تتردد في حماية شعبها عملت حجر صحي مطول سكرت الحدود متاعها عام كامل ووصلوا لنوع من السيطرة على الفيروس

مع هذا الفيروس لقى ثغرة صغيرة وتعدى منها

ليوم معهد باستور الجزائري أعلن إكتشاف 6 اصابات بالسلالة الهندية

السلالة هذي لكلنا قاعدين نتبعو شنوا عاملة في الهند

تقص علاهم الأكسجين
الناس تموت في الشارع
حتى الحطب إلي يحرقو بيه الجثث معادش كافي

اليوم السلالة هذي دخلت لدزاير

السلطات الجزائرية لازم تاخو الموضوع بأقصى درجات الجدية بش ما يخسروش إلي تعبوا بش وصلولو
ونشالله ربي يحميهم من كل مكروه

لينا نحنا توة من الجهة لخرى المسألة أخطر

أخطر على خاطر نحنا إلي يحكموا فينا يحبو يتعايشوا مع الموت

أخطر على خاطر كان دزاير إلي حدودها شبه مغلقة وصللها الفيروس معناها تونس إلي بيبانها محلولة أكيد راهو مستوطن عندو مدة

نتسائل حتى كان الإصابات الدزيرية موش تونس إلي تسببت فيهم”

مقالات ذات صلة