فضيحة 2020 بالمروج 2 : أمني يكبّل أمّ مواطن “عندو معاه مشكلة” ‼️ (فيديو)

تداول رواد مواقع التواصل الإجتماعي، صورة لامرأة مكبّلة في كرسي بطريقة مهينة داخل مركز أمني بالمروج 2 !

وحسب ما تم تداوله فإن هناك خلاف بين مواطن بالمنطقة وعون أمن دفع بالمواطن الي التوجه لمركز الأمن لتقديم شكاية بالأمني وكان مرفوقا بوالدته أين تم تكبيلها والاعتداء على ابنها وتلفيق تهمة له.

و هذا ما تم تداوله من متساكني المنطقة :
“فضيحة بأتم معني الكلمة في حق مواطن ووالدته
أسمعو لحكاية
راهي قهرة راهي انتكاسة كبيرة في بلاد عملت ثورة
يا سيدي بن سيدي هاي لحكاية كما رواها لي شهود عيان
سمير عندو قطعة أرض يملكها
عادي جدا هاو الغير عادي
فم عون أمن يخدم في مركز المروج 2
حط عينو علي أرض سمير حسب رواية شهود عيان
عمل زيارة الي أرض سمير بسيارة الشرطة
شافو سمير مشاء حب يعمل محضر
في الغرض في مركز المروج 2
خافت عليه امو مشات معاه لمركز الأمن
ماراعهم إلا أنهم دخلو عليه بالضرب واللكم والشتم
وكملو ربطو امو كأنها مجرمة في كرسي
سامحوني منجمش ننشر وجهها لكن نشرت لكم الصورة المخزية لسيدة بريئة نكل بيها أمني معندوش ضمير
بعد مضربوه لفقلولو كيف العادة شكاية
ولكن لما قابل وكيل الجمهورية عرف وكيل الجمهورية أن سمير مظلوم فأطلق سراحه
المرصد سيتقدم بشكاوي لوزير الداخلية وللإدارة العامة بالوزارة لازم امني الي يغلط يتعدي علي القضاء
وكيف مقال الفخفاخ مفم حد علي راسو ريشة لا أمني ولارءيس مركز
القانون سيد الجميع
بجاه ربي برتاجو
اليوم سمير غدوة انت لازم نوقفو الممارسات هاذي “

المصادر
(الشروق.)

مقالات ذات صلة